Փախստականների արձագանքման պատուհան

Նպատակ

Աջակցել բռնի տեղահանված գործարարներին Հայաստանում բիզնեսները վերակառուցելու ու ընդլայնելու համար։

Ով կարող է օգտվել

Հավելյալ աջակցությունը նախատեսված է այն բիզնեսների համար, որոնց հիմնադիրը/հիմնադիրների մեծամասնությունը (50% և ավել) 2020թ. սեպտեմբերի 27-ից մինչև 2023թ. սեպտեմբերի 23-ը ընկած ժամանակահատվածում տեղահանվել է Լեռնային Ղարաբաղից և ընկերություն է հիմնել Հայաստանի Հանրապետությունում։

Իրավասության պահանջներ

• Բիզնեսը պետք է իրավաբանորեն գրանցված լինի Հայաստանում
• Հիմնադիր(ներ)ը պետք է լինեն վավերացված բռնի տեղահանված անձինք
• Գործունեությունն ու ներդրումը պետք է համապատասխանեն հիմնական ծրագրի իրավասության չափանիշներին

Առաջարկվող աջակցություն

• Ենթավարկային իրավասու գումարի մինչև 20%-ի չափով հավելյալ խթանային դրամաշնորհ (ի հավելում ստանդարտ 10-15% խթանին՝ ընդհանուր մինչև 35%)
• Խորհրդատվական ծառայություններ Վերակառուցման և զարգացման եվրոպական բանկի (ՎԶԵԲ)՝ Խորհրդատվություն փոքր բիզնեսներին ծրագրի կողմից մինչև 100% դրամաշնորհային ֆինանսավորմամբ, հետևյալ ուղղություններով՝
  • Մարքեթինգ և բրենդինգ
  • ՏՏ համակարգեր և թվայնացում
  • Որակի կառավարման համակարգեր
  • Բիզնես պլանավորում և ռազմավարություն
  • և այլն։
    
    

Նպատակ

Խրախուսել տեղական բիզնեսներին ընդունելու և վերապատրաստելու բռնի տեղահանված անհատներին և ներդնելու ներառական ՄՌԿ պրակտիկաներ։

Ով կարող է օգտվել

Այն հայկական բիզնեսները, որոնք․

• Աշխատանքի են ընդունել (կամ պատրաստվում են ընդունել) Լեռնային Ղարաբաղից բռնի տեղահանված անձանց (2020թ․ սեպտեմբերի 27-ից 2023թ․ սեպտեմբերի 23)։
• Ունեն առնվազն 10% կամ 10 աշխատակիցներ (ընդունելի է երկուսից ավելի ցածր ցուցանիշը), ովքեր Լեռնային Ղարաբաղից բռնի տեղահանված անձիք են։
• Խթանի համար դիմելու պահին պահպանում են փախստական աշխատակիցների առնվազն 6 ամիս շարունակ։
• Իրականացնում են կամ պատրաստվում են իրականացնել ներառական ՄՌ քաղաքականություն՝ ներառյալ ուսուցում և ինտեգրում։
• Գործունեությունը և ներդրումը պետք է համապատասխանեն ընդհանուր իրավասության չափանիշներին։

Առաջարկվող աջակցություն

• Իրավասու ենթավարկային գումարի մինչև 15%-ի չափով հավելյալ դրամաշնորհ (ընդհանուր մինչև 30% դրամաշնորհ, սակայն հավելյալ 15% դրամաշնորհի առավելագույն սահմանաչափն է 60,000 եվրո):

Աջակցություն ՎԶԵԲ «Խորհրդատվություն փոքր բիզնեսներին» ծրագրի կողմից

• Խմբային (մի քանի ընկերությունների համար) խորհրդատվական ծրագրերի իրականացում բիզնեսի զարգացման տարբեր ոլորտներում (մարքեթինգ, որակի կառավարման համակարգեր, ՏՏ լուծումների ներդրում և այլն)՝ մինչև 90% դրամաշնորհային ֆինանսավորմամբ։
• Ներառական ՄՌԿ քաղաքականության ուղեցույցի և համապատասխան ձևանմուշների տրամադրում։
• ՄՌԿ պատասխանատուների անվճար առցանց ուսուցում:
• Ընկերության կողմից մատնանշված ոլորտներում աշխատանքային կարողությունների զարգացման ծրագրեր՝ ԼՂ-ից տեղահանված աշխատակիցների համար՝ մինչև 100% դրամաշնորհային ֆինանսավորմամբ։

Դիմում և վավերացում

Իրավասու բիզնեսները պետք է դիմեն գործընկեր ֆինանսական կազմակերպության միջոցով։ Փախստականի կարգավիճակի վավերացումը, աշխատանքի և քաղաքականության հանձնառությունները կպահանջվեն մինչ հավելյալ խթանների հատկացումը։ Յուրաքանչյուր ենթանախագիծ պետք է հաստատվի որպես ավարտված և հետևողական՝ նշանակված Վավերացման Խորհրդատուի (ՎԽ) կողմից։